العيب مش فيك بقلم ,,,, احمدعبدالحق
العيب مش فيك
اصل لما تنخدع
طبيعي انك تتوجع
ببساطه لازم تتوجع
عمر ومحسوب عليك
الوحيد اللي مالوش مرتجع
مستغرب ليه
متكدر ليه
الخلاصة وبامانه
ناس لابسه الف وش
وناس عايشه باخلاص
وناس بتقولك ماخلاص
بقي كله غش في غش
وناس تحب الشهد
مع انه قرصة نحل
وناس تحب المر
مرارة الدود في المش
وناس بتوفي
واللي بيحس بالوجع
هو اللي يقدر لوحده
يطبطب عليك ويشفي
وناس بتيجي
وزي ماتيجي تيجي
في الاخر كله هيمشي
امسح دموعك علي الحبايب
وارضي بنصيبك
ماهو اصله لازم يصيبك
اقولك نصيحه
حس بس احساسك
اوعاك تشيل الهم
تاج علي راسك
ياما قالوا مرة زمان
لو عايز تكون انسان
ابعد عن الاحزان
طول ماجواك قلب
هتلاقي برضو الحب
بشرط تحب
او تتحب
اوعاك يسرقوا منك
قلمك وكراسك
احمدعبدالحق
تعليقات
إرسال تعليق