سنة أو عام بقلم أ, الأميرمحمود
سنة أو عام
.............
باقي قليل من الأيام
يا تهل علينا يا سنة أو عام
لو السنة هى اللي الجاية قولولها تتأخر شوية
اما ان كان عام مرحب بالهمام
بشوق بنستناك تعالى قوام
افتح لنا شبابيك الأمل
الفرح معاك راح يكتمل
تعالي وأي شئ يحتمل
واحنا بالعمل نحقق الأحلام
السنين اللي فاتت ياما عانينا
الفرحة من القهر ماتت وقاسينا
اشجار الشوك زرعناها بروحنا
ترويها دموعنا وتجرحنا
عمرنا ما ارتحنا اتفرقنا
وروحنا توهنا عن بعضينا
ياريت يا عام تيجي ترجعنا
على المحبة الأماكن تجمعنا
ننسى فيها همومنا واوجعنا
ياريت تسمعنا وتيجي قوام
يا عام
يا عام مشتاقه لك الأحلام
وحياة ابوك متأخرش علينا تعالى قوام
من سنين واحنا فى محنة
متسبناش نعيش في أوهام
هات الفرح قسمه علينا
وارسم البسمة على شفتينا
واشفي جراح بيها ابتلينا
يارب عافينا منها على الدوام
أهلا ومرحبا بك يا عام
........
بقلم.الشاعر
الأمير_محمود
تعليقات
إرسال تعليق